Help

Ajuda : lo vòstre primièr enregistrament

This page is a translated version of the page Help:Your first record and the translation is 100% complete.

Other languages:
English • ‎français • ‎occitan

Verificacion del microfòn

  • Clicar sul boton "Començar lo tèst " e esperar lo messatge "Digatz quicòm" ,
  • Prononciatz un mot,
  • Lo messatge "Escotar" apareis e cal qu'ausiscatz lo mot qu'avètz enregistrat.

Se lo resultat es pas corrècte, vos cal adaptar la configuracion del microfòn e tornar far lo tèst. Quand lo tèst es corrècte, podètz passar a l'etapa seguenta.

Causida del locutor

Se fa besonh, causissètz dins la lista desrotlanta lo perfil que volètz utilizar. Podètz apondre una lenga en clicant sus l'estela . Podètz cambiar lo tipe de licéncia atribuida a los vòstres enregistraments ([1])

Causida dels mots d'enregistrar

Existís mai d'una possibilitat :

  • Enregistrar de mots d'una lista existenta
  • Enregistrar de mots d'una lista que creatz en dirècte

Listas existentas

Pòdon èstre de 3 tipes :

  • lista de proximitat: es una lista de noms de luòcs creada du biais automatic a comptar de la latituda e la longituda qu'avètz causidas.
  • lista locala : una lista desrotlanta vos permet de causir una lista tematica qu'existís ja sus Lingua Libre fper la vòstra
  • categoria Wikimèdia : una lista desrotlanta vos permet de causir una lista de mots qu'apartenon a una categoria Wikimèdia

Quand avètz causit la lista, podètz suprimir de mots en clicant sus la pichona crotz. Podètz tanben cambiar l'òrdre dels mots en clicant sul boton correspondent.

La vòstra lista en dirècte

Per dintrar los vòstres mots, picatz sus la barra de sasida qu'es en bas del quadre "Lista dels mots d'enregistrar" . Podètz sasir de mots un per un en validant cada amb <Enter> o sasir totes los mots en los separant amb #. La lista serà pas salvada après l'enregistrament . Se volètz tornar l'emplegar, vos cal consultar la rubrica "Crear las vòstras listas". (Help:Create_your_own_lists)

Enregistrament

Quand sètz prèst, clicatz sul boton roge per començar l'enregistrament. Lo boton se met a clinhotejar. Podètz arrestar quand volètz en tornant clicar sul boton . L'enregistrament reprendrà sul mot mes en valor. Pendent l'enregistrament, lo nivèl sonòr del mot es afichat dins lo rectangle qu'enroda lo mot. Se l'enregistrament es corrècte, lo rectangle deven verd. Quand l'enregistrament dels mots es acabat, los fichièrs sonòrs son telecargats. Un messatge en bas de l'ecran indica l'estat del telecargament . Quand vesètz lo messatge "Totes los telegargaments an capitat " podètz contunhar.

Atencion ! Quand un mot es compausat de mai d'un element, se daissatz un silenci tròp long entre los elements, enregistraire va passar al mot seguent.

Verificacion dels vòstres enregistraments

Podètz tornar escotar cada enregistrament en clicant sul boton "Escotar" . Se l'enregistrament es pas corrècte, podètz lo suprimir en clicant sus la crotz.

Telecargament sus Wikimedia Commons

Quand avètz acabat las verificacions, clicatz sul boton "Publicar sus Wikimèdia Commons" qu'es en bas de l'ecran. Una pichona ròda que vira apareisserà a costat de cada fichièr. Quand lo telecargament serà acabat, un pichon cercle verd amb una còcha serà afichat.

Podètz verificar los vòstres telecargaments en clicant sul boton "Verificar los vòstres telecargaments sus Wikimèdia Commons" . Dobrira un onglet novèl sus Wikimèdia Commons. Aquesta pagina aficha la lista de totes los enregistraments realizats per l'utilizaire del compte Lingua Libre.

NB: S'avètz doblidat de suprimir un enregistrament qu'es pas corrècte e l'avètz telecargat sus Wikimèdia Commons ... Tranquille! Vos cal solament tornar enregistrar lo mot sul Record Wizarde lo tornar cargar sus Wikimèdia Commons.

Podètz tanben contunhar d'enregistrar de mots en clicant sul boton "Enregistrar de mots en mai" .

Per tornar sus la pagina d'acuèlh deLingua Libre, clicatz sul logo de Lingua Libre en naut de la pagina .

Merce plan per la vòstra participacion...