LinguaLibre

LinguaLibre:A prepaus

This page is a translated version of the page LinguaLibre:About and the translation is 100% complete.
Other languages:
Bahasa Indonesia • ‎Deutsch • ‎English • ‎Esperanto • ‎brezhoneg • ‎español • ‎français • ‎italiano • ‎norsk bokmål • ‎occitan • ‎polski • ‎română • ‎svenska • ‎македонски • ‎日本語

Lingua Libre es un projècte de l’associacion Wikimédia France qu’a per tòca de construsir un corpus collaboratiu multilingüe audiovisual amb una licéncia libra per : * augmentar la coneissença sus las lengas, dins las lengas e d’un biais audiovisualsul web, dins los projèctes Wikimedia projects e en defòra ; * sosténer lo desvolopament de comunautats linguisticas en linha , especialament aquelas que son pauc dotadas, minoritàrias, regionals , oralas o signadas — per ajudar aquelas comunautats a trapar en linha d’informacions e per assegurar la vitalitat la vitalitat de las lengas d’aquelas comunautats.

Lingua libre illustration - interface.svg

Ja 650 membres e 500,000+ enregistraments sus Lingua Libre, rejonhatz nos.

Music-technology-guitar-microphone-studio-amplifier-846852-pxhere (cropped).jpg

Cossí participar ?

Sus Lingua Libre podètz explorar e tornar utilizar d’enregistraments, contribuir al còrpus en enregistrant de mots o melhorar lo site, en concertacion amb la comunautat.

Lo Record Wizard permet l'enregistrament, la categorizacion e la publicacion dins Wikimedia Commons d'enregistraments audio o video (1 mot, 1 locucion) a partir d'un ordenador o d’un telefonet intelligent. Per aquò far, vos cal connectar o crear un compte d'utilizator. La guida d'utilizator es disponibla sus la pagina d'ajuda.

Per modificar las paginas del site web, se cal connectar e clicar sus « modificar ». Per ajustar de paginas, i a doas etapas : dintrar lo títol de la pagina que volètz crear dins lo navigator, amb lo prefixe "Lingua Libre:". Un messatge prepausant de crear la pagina apareisserà. Per una modificacion importanta, vos pregam de consultar primièr la comunautat.

Escambiatz amb la comunautat

Trantalhatz pas de senhalar a la còla tot element que se pòt melhorar. Per aquò, discutidas se debanan dins lo canton de discutida, sus la lista mail o sus Discord

Perqué participar ?

Lingua Libre foguèt creada a partir de l'observacion de mancas divèrsas dins los projèctes Wikimedia e sus la tela en general :

  • Manca de diversitat : se la tela es en teoria dobèrta a totes, son contengut es luènh de representar totas las lengas d’un biais proporcional. Mai de 50% dels sites web son en anglés ; solament 301 de las 7 000 lengas del mond an una enciclopèdia liura [1], que lo contengut i es inferior en quantitat e en qualitat al de las lengas mièlhs dotadas coma l'anglés [1][2]. De mai, aquestes sites albèrgan de contenguts que correspòndon a las nòrmas e als besonhs occidentals. Aquò explica e contribuís a lor manca de diversitat lingüistica.
  • Manca d’oralitat : se las lengas son d’en primièr parladas (solament 4000 de las 7000 lengas del mond an un sistèma d’escritura) [4], lo partatge de coneissenças e la comunicacion mercés a las novèlas tecnologias, se fa mai que mai a l'escrich, notadament sus la tela (malgrat lo format multimèdia qu'o permet). Aquela mediacion de l’oral per l’escrich limita las contribucions de mai d’un biais, coma, per exemple, l’utilizacion de caractèrs Unicode, la cultura de l’escrich, l’estandardizacion ortografica de la lenga o lo taus d’alfabetisacion de la comunautat.
  • Aquestas mancas de diversitat e d’oralitat limitan la capacitat dels internautas de comunicar e de contribuir en linha sus d’unas platafòrmas web, que n’i trapan pas de contengut o de comunautat dins lor lenga. Demest las lengas regionalas, minoritàrias, oralas o signadas, aquestas mancas amenaçan, en particular, aquelas que son gaire dotadas. Un molon, a l’ora d’ara, son a desaparéisser e lor insercion dins lo web constituís un enjòc e una oportunitat màger.
  • D'efiech, demest las 7 000 lengas qu’existisson a l’ora d’ara, pensan que solament 2500 subrevivràn al sègle que ven. Solament 250 (mens de 5% !) realizaràn lor ascension numerica, es a dire èsser emplegadas regularament per comunicar sus l’espaci numeric per de locutors natius. Aquò es pasmens un factor essencial per lor vitalitat[5]. D’iniciativas son menadas a l’ora d’ara pels lingüistas e activistas per documentar e partejar las donadas, ressorsas e contenguts en linha de las lengas en dangièr. Mas aquò contribuís pas directament a revitalizar las comunautats lingüisticas d’internautas que pòrtan la pojada numerica e l'impacte ne demòra limitat.
  • Lingua Libre vòl èsser una aisina que compensa aquesta manca de sosten. Se met al servici de las comunautats lingüisticas que se vòlon inserir e promòure lor lenga dins l’espaci numeric. Permet d’explorar de mejans de comunicacion alternatius a l’escrich, en esperant qu’aquò desliurarà la comunicacion en linha dins un nombre creissent de lengas. Aqueste objectiu favoriza per natura las lengas gaire dotadas, que sián minoritàrias, regionalas, oralas o signadas, mas aquò aprofiècha tanben a las mai dotadas que vòlon promòure la lor oralitat. Per complir aquesta mission, Lingua Libre prepausa una solucion d’enregistrament de massa en linha. Permet la publicacion d’un còrpus audiovisual multilingüe collaboratiu en licéncia liura. Sa vocacion es l’informacion per la consultacion e la revitalizacion amb per amira l’aviada de la contribucion de comunautats lingüisticas novèlas wikimedianas e au delà.
Coolest Tool Award 2020 square logo.svg

Lingua Libre

2020 Coolest Tool
Award Winner

in the category
Diversity

Partenaris