View source for RecordWizard manual/mk

<languages/>
== Упатство ==
[[File:Lingua Libre - Record Wizard - Tutorial a.png|thumb|Дозволете му пристап на Снимачот на изговор до вашиот микрофон.]]
Во овој чекор Снимачот на изговор проверува дали микрофонот ви работи како што треба.

Најпрвин дозволете му на прелистувачот пристап до микрофонот. Ако немате дадено дозвола, превчитајте ја страницата за прелистувачот да ве праша повторно.

[[File:Lingua Libre - Record Wizard - Tutorial b.png|thumb|Воведен чекор.]]
[[File:Lingua Libre - Record Wizard - Tutorial c.png|thumb|Откако ќе стиснете на „Почни со пробата“, Снимачот на изговор ќе ви побара да кажете нешто.]]
Стиснете на „Почни со пробата“, кажете нешто и преслушајте го кажаното. Ако не чуете ништо, [[Special:MyLanguage/Help:Configure your microphone|нагодете си го микрофонот]].
{{Clear}}

== Говорник ==
[[File:Lingua Libre - Record Wizard - Speaker.png|thumb|Чекор за говорникот.]]
=== Говорени јазици ===

Во овој дел ќе го изберете јазикот или јазиците кои ги владеете, но најважно јазикот или јазиците на кои ќе се снимате. 

=== Избор на лиценца ===

Во делот за избор на лиценца  имате пет можности: 
* Криејтив комонс Наведи извор - Сподели под исти услови  4.0
* Криејтив комонс Наведи извор - Сподели под исти услови 3.0
* CC0 1.0 Универзално предавање во јавна сопственост 
* Криејтив комонс Наведи извор 4.0
* Криејтив комонс Наведи извор 3.0
Ако не знаете како се разликуваат овие лиценци,  тогаш најдобро е да ја оставите зададената „Криејтив комонс Наведи извор - Сподели под исти услови 4.0“. Но ако сакате да знаете како тие се разликуваат една од друга, тогаш [https://creativecommons.org/licenses/ оваа страница] може да ви биде од помош.
{{Clear}}

== Поединости ==
[[File:Lingua Libre - Record Wizard - Details.png|thumb|Чекор за поединости.]]

Во овој дел ги поднесувате зборовите што сакате да ги изговорите (снимите). 

=== Избор на јазик ===

Има неколку начини да се направи ова, но најпрвин ќе треба да го изберете јазикот на кој сакате да се пријавите меѓу јазиците кои ги имате избрано во профилот. Ако во него имате само еден јазик, тогаш овој избор е излишен.



=== Поднесување на збор(ови) ===
[[File:Lingua Libre - Record Wizard - Details - Local List.png|thumb|Ако стиснете на „Месен список“ ќе ви се појави отскочник.]]
[[File:Lingua Libre - Record Wizard - Details - Local List b.png|thumb|Стиснете на списокот што ве интересира и потврдете го со копчето „Готово“.]]

Постојат различни начини да ги поднесете зборовите што ќе ги изговорите. Можете да: 
* внесете ваши зборови непосредно во празното поле и да додадете колку што сакате стискајќи на синот копче со плус до полето. 
* Во случај да немате инспирација во тој миг, послужете се со некоја од трите понуди на Lingua Libre во долниот десен агол, имено „Месен список“, „Во близина“ и „Викимедиина категорија“:
** Месен список: ова ви дава избор на списоци веќе создадени од друг корисник на Lingua Libre. Избраниот список го вчитувате со тоа што ќе го одберете насловот зад кодот под одделот Наслов. Не треба да го бришете кодот, туку да напишете наслов по него. 
** Во близина: оваа можност ви дава зборови според вашата местоположба. Таа се внесува на два можни начина: или рачно со внесување на вашата географска ширина и должина, или поедноставно стискајќи на знакчето за положба подолу. Википодатоците ќе извлечат неколку збора кои се тесно поврзани со местото кајшто се наоѓате. Сепак, нема начин да го ја прилагодите величината на географскиот опфат околу вас. 
** Викимедиина категорија: во овој случај внесувате клучен збор, и потоа ќе ви се појават разни други зборови извлечени од категорија на Википедија или Викиречникот, зависно од избраниот извор. Можете да и изберете и колку зборови да стојат на списокот во делот „Колку зборови да се дадат“. 

=== Мешање на списокот ===

[[File:Lingua Libre - Record Wizard - Details b.png|thumb|Сите зборови што ќе ги снимате се испишани лево.]]

Штом ќе го изберете списокот, ако не ви се допаѓа редоследот, можете да го измешате избирајќи „Смешај го списокот“ над гореспоменатите можности.

{{Clear}}
== Студио ==

[[File:Lingua_Libre_-_Record_Wizard_-_Studio.png|thumb|Студиски чекор.]]

На овој чекор ги снимате зборовите што сте ги внеле во чекорот за поединости. За да почнете со снимање, стиснете на копчето со микрофон. Сега изговорете го првиот збор од списокот. Снимачот на изговор автоматски ќе прејде на следниот збор штом ќе осети празнина.

Ако сакате да запрете со снимање, стиснете на тоа копче

Ако не знаете како да изговорите некој збор, можете да го прескокнете на копчето „Прескокни“ и со тоа да прејдете на следниот.

Во секое време можете да стиснете на копчето „Следно“ за да ги објавите сите веќе снимени зборови (дури и да не ги имате снимено сите од списокот).

===Списокот лево===

Секој снимен збор можете да го преслушате ако стиснете на него. Ако снимката не е добра, можете зборот да го преснимите или да го избришете на копчето крукче со стрелка.

=== Тастатурни кратенки ===

* Стрелка лево: враќање на штотуку снимениот збор
* Стрелка десно: преоѓање на следниот збор без да се сними тековниот
* Копче за белина: пушти/запри
* Копче за бришење (Delete): бришење на снимката

{{Clear}}
== Објавување ==

Екранот Објавување, има три дела :
* списокот на зборовите
* преслушувач (изведувач)
* прегледна лента

=== Список на зборови ===

Зборовите се наведени по истиот редослед. Оние што не се сниени не се прикажуваат. Вратете се на претходниот екран (Студио) за да го повратите целиот список и да снимите повеќе од списокот.

Има вертијален лизгач ако се прикажат повеќе од 14 зборови.

Кога ќе отидете со стрелката врз некој збор, редот е истакнат, но самиот збор не е избран. Изберете едне збор за да ја проверите снимката во преслушувачот десно со тоа што ќе стиснете на зборот. Кога е одбран, зборот се истакнува со светлосиво и до зборот се појавува црн триаголник. '''Оваа стрелка не е копче за пуштање'''. Зборот се пушта автоматски.

Десно од секој збор има кутивче за штиклирање за да изберете кој збор сакате да го објавите на Ризницата. Во склад со тоа се зголемува и вкупниот број во бројачот на зборови.

=== Преслушувач ===

Зборот се прикажува до преслушувачот. Стискајќи на стрелките за лево и десно го избирате претходниот или следниот збор на списокот.

Изведувачот е од десната страна. Зависно од тоа кој прелистувач го користите, преслушувачот може да изгледа различно.
* Може да се пушти снимката.
* Траењето на снимката е изразено во минути и секунди. Снимките обично се пократки од една секунда: тогаш ќе се прикажува 0:00.
* Има мала лента за преоѓање на делови од снимката.
* Иконата со звучник ја менува гласноста на преслушувачот.

На Firefox, стиснете со десното копче на преслушувачот за да ја преземете податотеката, да ја измените брзината на преслушување или да изберете да ви се повторува снимката.
На Edge, стиснете на трите точки за да ви се отвори мени каде ќе можете да ја преземете податотеката на вашиот уред.

=== Лента за потполност и бројач на зборови ===

Бројачот на зборови прикажува два броја.
Првиот се однесува на успешните подигања на Ризницата
Вториот покажува колку збора има во една снимка. Ова не мора да биде исто со бројот на зборови зададени на претходниот екран.

Кога ќе го стиснете копчето „Објави“, се појавува мала иконка за чекање до зборот што се подига и под бројачот. Кога ќе заврши со сите снимки, проверете дали секоја од нив е подигната на Ризницата. Бројот на успешно подигнати (лево) треба да е ист со бројот на снимки (десно).

Кога ќе се јави грешка во подигањето на една или повеќе снимки, под бројачот се појавува извичник. Преподигнете ги стискајќи на копчето '''''повтори го неуспешното''''' во прегледникот.

=== Прегледна лента ===

Прегледничката лента иа три копчиња.
* Стиснете на '''''Откажи''''' за да се вратите на првиот екран (Упатство). Ќе ви се отвори прозорче за потврда. Ако се вратите на првиот екран ќе ја изгубите секоја необјавена снима. 
* Копчето '''''Претходно''''' ве враќа на четвртиот екран (Студио).
* Копчето '''''Објави на Ризницата''''' ги објавува снимките на Ризницата.

Ако се јави грешка во подигањето на една или повеќе снимки, копчето:
* '''''повтори го неуспешното''''' ви овозможува да направите повторен обид за подигање на Ризницата.
Ако ви се прекине семрежната врска, прво повратете ја, па стиснете на копчето.

Откако снимките ќе се испратат на Ризницата, копчињата се заменуваат со нови можности:
* '''''Погледајте си го подигнатото на Ризницата''''' е врска до службената страница Special:ListFiles на Ризницата. 
* '''''Сними уште зборови''''' ве води до третиот екран (Поединости) за да снимите уште зборови. Ако има некои зборови од истиот јазик кои не биле снимени во  екранот Студио, и не се појавиле на екранот Објави, тогаш тие пак ќе се покажат на екранот Поединости.

[[Category:Lingua Libre:Help{{#translation:}}]]